27-28 noyabr 2023-cü il tarixində Ümummilli lider Heydər Əliyevin 100 illik yubileyinə həsr edilmiş “Ana və Uşaq Sağlamlığı: Mövcud problemlərə müasir baxış” beynəlxalq elmi konqresi keçirildi. Konqresi Azərbaycan Respublikası Dövlət Gömrük Komitəsi Tibbi Xidmət İdarəsi, Mərkəzi Gömrük Hospitalının Elmi-Təcrübi və Tədris Mərkəzi təşkil etmişdir.
Konfransın açılışında Dövlət Gömrük Komitəsi Tibbi Xidmət İdarəsinin rəisi, t.ü.f.d., əməkdar həkim, tibb xidməti general-mayoru Ceyhun Məmmədov, Dövlət Gömrük Komitəsi Tibbi Xidmət İdarəsinin Elmi-Təcrübi və Tədris Mərkəzinin rəisi, Milli Məclisin Səhiyyə Komitəsinin sədr müavini, t.e.d., əməkdar həkim Rəşad Mahmudov, Səhiyyə nazirinin müavini, t.ü.f.d., dosent Nadir Zeynalov, Azərbaycan Respublikası Milli Məclisinin Ailə, qadın və uşaq məsələləri komitəsinin sədri, s.e.d., professor Hicran Hüseynova, Səhiyyə Nazirliyinin Elmi-Tədqiqat Mamalıq və Ginekologiya İnstitutunun PHŞ-nin direktoru, t.e.d., professor Cəmilə Qurbanova çıxış etdilər.
27 noyabr 2023-cü il tarixində Müasir mama-ginekologiyanın aktual problemləri mövzularında Böyük Britaniya, Türkiyə və Azərbaycan mütəxəssislərin çıxışları təqdim olundu.
28 noyabr 2023-cü il tarixində 1-ci paneldə “Neonatologiya üzrə son təlimatlar”, 2-ci paneldə “Neonatal reanimasiyada mübahisəli və həssas məqamlar”, 3-cü paneldə “Pediatriyada təcili və təxirəsalınmaz hallar” mövzularında təqdimatlar keçirildi. Pediatriya panelində Ə.Əliyev adına Azərbaycan Dövlət Həkimləri Təkmilləşdirmə İnstitutunun pediatriya kafedrasının dosenti Nigar Hacıyeva “Uşaqlarda limfoadenopatiya. Hansı müayinələri etməliyik? Xəstəyönümlü müalicə sxemi necə olmalıdır?” mövzuda təqdimat keçirdi.