«KardioOnkologiya: problemlərə yeni baxış» beynəlxalq konfransı keçirilmişdir

06.02.2023

2-4 fevral 2023-cü il tarixində "Heydər Əliyev İli" çərçivəsində Səhiyyə Nazirliyinin Kardiologiya İnstitutu (ETKİ) tərəfindən “KardioOnkologiya: problemə müasir baxışlar” mövzusunda Beynəlxalq elmi-praktik konfrans keçirilmişdir.
Konfransda Azərbaycan Respublikasının səhiyyə nazirinin müavini İlqar Qasımov, Milli Məclisin səhiyyə komitəsinin sədri Əhliman Əmiraslanov, İcbari Tibbi Sığorta üzrə Dövlət Agentliyinin Tibbi planlama departamentinin rəhbəri Hikmət İbrahimli, həmçinin Türkiyə və Azərbaycanın tanınmış elm xadimləri, millət vəkilləri də iştirak ediblər.
400-ə yaxın həkimin iştirakı ilə keçirilən üç günlük beynəlxalq konfransda tibbdə yeni istiqamət - kardioonkologiyanın aktual elmi və praktiki məsələlərinə dair məruzələr dinlənilib, müzakirə aparılmışdır. Həmçinin konfrans çərçivəsində “Kardiak anatomiya”, “EKQ”, “EXO KQ” və “CPR” kursları da keçirilmişdir.
Ə.Əliyev adına Azərbaycan Dövlət Həkimləri Təkmilləşdirmə İnstitutunun kardiologiya kafedrasının müdiri professor F.Ə.Quliyev və dosenti K.X. Zahidova konfransın «Kardioloji problemlər və onkologiya-yanaşma» mövzulu oturumunda sədrlik etmişlər. Professor Quliyev F.Ə. eyni zamanda «Ürək çatışmazlığının müalicəsində yeni istiqamətlər» mövzulu məruzə ilə də çıxış etmişdir.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ

ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX