Əməkdaşlarımız "A-dan Z-yə AORTA" adlı beynalxalq konfransda iştirak etmişlər

03.04.2022

02.04.2022-ci il tarixində Bakıda Azərbaycan Kardiologiya Cəmiyyəti, Azərbaycan Ürək və Damar Cərrahiyyəsi Cəmiyyəti, Türkiyə Ürək və Damar Cərrahiyyəsi Cəmiyyəti və Türkiyə Kardiologiya Cəmiyyəti birgə ürəyin aorta qapağının xəstəliklərinə həsr olunmuş "A-dan Z-yə AORTA" adlı beynalxalq konfransını keçirmişlər. Ə.Əliyev adlna ADHTİ-nun kardiologiya kafedrasının əməkdaşları, AKC-nin İdarə Heyətinin üzvləri professor F.Ə. Quliyev, dosent K.X. Zahidova ilə yanaşı həmin kafedranın assistenti G.T. Məmmədova konfransda iştirak etmişlər. Azərbaycan Respublikasının Səhiyyə Nazirliyi tərəfindən akkreditasiya olunmuş konfransın işinə 209 həkim-kardioloq qoşulmuş idi.
Konfransda Türkiyə Ürək və Damar Cərrahiyyəsi Cəmiyyətinin sədri Şahin Şənay, Türkiyə Kardiologiya Cəmiyyətinin sədri Ertoğrul Okuyan, Azərbaycan Ürək və Damar Cərrahiyyəsinin sədri Kamran Musayevlə yanaşı t.e.d. Rəşad Mahmudov, professor Faiq Quliyev geniş məruzələrlə çıxış etmişlər.Eyni zamanda İsraildən David Planneli "Mürrəkəb TAVİ halları", Türkiyədən Məsud Dəmirin ˮTAVİ ağırlaşmalarıˮ, ATU-nun assistenti Yasmin Rüstəmovanın ˮAorta qapağının görüntüləriˮ mövzulu mühazirələri də diqqətlə dinlənilmişdir. Mühazirələrdə aortapatiyaların, infeksiyn endokarditlərin müalicəsində yeni üsullar haqqında məlumatlar verilmişdir.Sonda mövzular ətrafinda aktiv diskussiya aparılmışdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu