Ümumdunya Diabet Gününə həsr olunmuş konqreslər keçirildi

22.12.2022

Azərbaycan Endokrinologiya, Diabetologiya və Terapevtik Təlimat Assosiasiyası və Azərbaycan Endokrinoloqlar Elmi Cəmiyyətinin təşkilatçılığı ilə 19-20 dekabr 2022-ci ildə Ümumdunya Diabet gününə həsr olunmuş 1-ci Azərbaycan Endokrinologiya və Metabolizm Konqresi və 5-ci Azərbaycan Diabet Konqresi keçirildi. Açılışda ön sözlə Ə.Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasının müdiri, t.e.d. Valeh Mirzəzadə çıxış etdi. Daha sonra Azərbaycan Respublikası Səhiyyə Nazirliyinin mütəxəssis-eksperti Babək Saleh son yeniliklərlə bağlı ətraflı məlumat verdi.
Konqresdə dosent Ziba-Bəyim Əhmədovanın sədrlik etdiyi paneldə terapiya kafedrasının əməkdaşları professor Natəvan Fərəcova, “Ağciyərlərin xroniki obstruktiv xəstəliyi və şəkərli diabet tip2 komorbidliyi”, dosent Samir Mehdiyev “Metformin vəə ürək-damar təhlükəsizliyi”, dosent Sədaqət Sultanova “Hiperurikemiya, şəkərli diabet və prediabet”, dosent Natəvan İsmayılova “Bəzi endokrin xəstəliklər zamanı qulaqcıq fibrilyasiyası”, baş laborantlar A.Əliyeva və S.İsmayılova “Şəkərli diabet və prediabetin skrininqi və diaqnostikası” mövzusunda məruzələrlə çıxış etdilər.Məruzəçilərə çoxsaylı suallar verildi və çıxışlar ətrafında müzakirələr oldu.
Konqresdə ölkəmizdə fəaliyyət göstərən terapevt, kardioloq və endokrinoloqlar iştirak etdilər.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu