Azərbaycan Kardiologiya Cəmiyyətinin 10-cu milli konqresi keçirilmişdir

20.12.2021

Azərbaycan Kardiologiya Cəmiyyətinin 10-cu milli konqresi keçirilmişdir.
18-19 dekabr 2021-ci il tarixində Bakı konqres mərkəzində Azərbaycan Kardiologiya Cəmiyyətinin 10-cu milli konqresi keçirilmidir. Konqresdə Azərbaycan kardioloqları ilə yanaşı Türkiyə,Rusiya,Qırğızıstandan olan nümayəndələr də iştirak etmiş,məruzələrini təqdim etmişlər.Ə.Əliyev adına ADHTİ-nu kardiologiya kafedrasının müdiri professor Faiq Quliyev və həmin kafedranın dosenti Kəmalə Zahidova, terapiya kafedrasının dosenti Samir Mehdiyev təmsil etmişlər.
Professor F.Quliyev «Nəzarət olunan arterial hipertenziyalı xəstələrdə beyin qan dövranının pozulmalarının profilaktikası»,dosent K. Zahidova Avropa Kardiologiya Cəmiyyətinin ürək çatışmazlığı üzrə yeni kliniki protokolundan məlumatlarla «Atım fraksiyası mülayım azalmış xronik ürək çatışmazlığının diaqnostikası və müalicəsi», dosenti S.Mehdiyev "Şəkərli diabet tip 2 xəstəliyi və kardioprofilaktika" mövzularında məruzələr ilə çıxış etmişlər. Məruzələr maraqla qarşılanmış, suallara cavablar verilmiş və müzakirələr aparılmışdır.
Konqresin işinin müvəffəqiyyətlə keçməsində Ə.Əliyev adına ADHTİ-nun əməkdaşları Azərbaycan Kardiologiya Cəmiyyətinin sədri professor Tofiq Cahangirovun və Cəmiyyətin sədr müavini professor İsax Mustafayevin böyük rolları olmuşdur.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX