Ə.Əliyev adına ADHTİ-də Beynəlxalq Qızıl Xaç və Qızıl Aypara Hərəkatının təşəbbüsü ilə kurs keçirilmişdir

13.12.2021

Xəbər verildiyi kimi Ə.Əliyev adına Azərbaycan Dövlət Həkimləri Təkmilləşdirmə İnstitutunda 2021/2022-ci tədris ilindən Beynəlxalq Qızıl Xaç və Qızıl Aypara Hərəkatının təşəbbüsü ilə psixiatrik yardımın göstərilməsinin yaxşılaşdırılması məqsədilə penetensiar sistemində çalişan həkimlərin təkmilləşdirilməsi və onların potensialların inkişaf etdirilməsi (capacity building) üçün təkmilləşdirilmə kursları keçirilir. Növbəti "Ağır stressin xüsusiyyətləri və müalicəsi" mövzusunda kurs 06.12 - 10.12.2021-ci il tarixində Beynəlxalq Qızıl Xaç və Qızıl Aypara Hərəkatının nümayəndələrinin bilavasitə iştiraki ilə Ə.Əliyev adına ADHTİ-nun psixiatriya və narkologiya kafedrasında keçirildi. Kursda Azərbaycan Respublikasının Ədliyyə Nazirliyi sistemində çalişan 11 həkim psixiatr və narkoloq iştirak etmişdir.Kursun sonunda müdavimlərə sertifikat təqdim olunmuşdur.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu