Əməkdaşlarımız ”Bağırsaqların iltihabi və funksional xəstəlikləri” beynəlxalq konfransında çıxış etmişlər

29.11.2021

25-26 noyabr 2021-ci il tarixində Ukraynanın paytaxtı Kiyev şəhərində Avropa Kron xəstəliyi və Xoralı kolit Cəmiyyətinin (ECCO) təşkilatçılığı ilə "Bağırsaqların iltihabi və funksional xəstəlikləri" mövzusunda beynəlxalq konfrans keçirilmişdir. Konfransın açılışında ECCO presidenti Laurent Peyrin-Biroulet cıxış etmişdir və iştirakcı ölkələri təqdim etmişdir. Ölkəmizi bu mötəbər tədbirdə Ə.Əliyev adına ADHTİ terapiya kafedrasının əməkdaşları - dosent Gülüstan Babayeva və həmin kafedranın doktorantı Günay Əsədova təmsil etdilər. Hər iki əməkdaşımız onlayn formatda məruzə ilə çıxış etmişlər. Gülüstan Babayevanın «Celiac disease and inflammatory bowel diseases» və Günay Əsədovanın «Spectrum of gastric lesions in patients with inflammatory bowel diseases» mövzulu məruzələri konfransın təşkilatçıları və iştirakçıları tərəfindən böyuq maraqa dinlənilmişdir. İnteraktiv diskussiya zamanı mövzularla bağlı verilən suallara qeniş izah verilmişdir.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu