Dağınıq skleroza həsr olunmuş online konfrans keçirilmişdir

31.05.2021

29-30 may 2021-ci il tarixdə Nevroloqların Milli Assosiasiyası, Türkdilli Dövlətlərin Nevrologiya Cəmiyyəti və Ə.Əliyev adına Azərbaycan Dövlət Həkimləri Təkmilləşdirmə İnstitunun “Nevrologiya və klinik neyrofiziologiya” kafedrası tərəfindən “Ümumdünya dağınıq sklerozla mübarizə gününə həsr edilmiş” online konfrans keçirilmişdir. Konfransda Respublikamızın dağınıq skleroz xəstəliyi ilə məşğul olan alimləri ilə yanaşı Türkiyə, Qazaxstan, Özbəkistan, Danimarka, Yunanıstan və digər Avropa ölkələri mütəxəssisləri də mühazirələrlə iştirak etmişlər. Mühazirələr dağınıq sklerozun epidemiologiyası, patogenezinin müxtəlif aspektləri, müasir diaqnostika və müalicə üsullarına həsr olunmuşdur. Mühazirələrin sonunda həkimləri maraqlandıran suallar cavablandırılmışdır.
Konfransın növbəti günü dağınıq skleroz xəstəliyindən əziyyət çəkən pasientlərə maarifləndirici məlumatlar təqdim edilmiş və xəstələri narahat edən suallara cavab verilmişdir.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu