Rezidenturanı bitirmiş həkim-mütəxəssislərlə tibb müəssisələrinin rəhbərlərinin görüşü keçirildi

10.11.2016

    08 noyabr 2016-cı il tarixində Ə.Əliyev adına Azərbaycan Dövlət Həkimləri Təkmilləşdirmə İnstitutunda Azərbaycan Respublikasının Səhiyyə Nazirliyinin göstərişi ilə rezidenturanı bitirmiş həkim-mütəxəssislərlə tibb müəssisələrinin rəhbərlərinin görüşü keçirilmişdir. Görüşdə Azərbaycan Respublikasının Səhiyyə Nazirliyi aparatının mütəxəssisləri, Ə.Əliyev adına Azərbaycan Dövlət Həkimləri Təkmilləşdirmə İnstitutu və Azərbaycan Tibb Universiteti rəhbərliyinin nümayəndələri, bir çöx şəhər və rayon xəstəxanalarının baş həkimləri və Respublika üzrə rezidentura təhsilini bitirmiş həkim-mütəxəssislər iştirak edirdilər.
    Görüşü giriş sözü ilə açan Azərbaycan Respublikasının Səhiyyə Nazirliyi aparatının rəhbəri Zəkiyyə Mustafayeva öz çıxışında son illərdə ölkə səhiyyəsində əldə olunmuş mühüm nailiyyətlərdən danışaraq regionlarda tibbi yardımın keyfiyyətinin yaxşılaşmasını xüsusi qeyd etdi. O bildirdi ki, bütün ölkəni əhatə edən müasir standarlara üyğun müalicə-diaqnostik mərkəzlər və xəstəxanalar inşa edilmiş və onlar lazımı avadanlıqla təmin edilmişlər. Həmin şəraitdə çalışacaq yüksək ixtisaslı və müasir tibbi biliklərə yiyələnmiş mütəxəssilərə ehtiyac olduğundan danışan Z.Mustafayeva bu günkü görüşün də həmin məqsəd daşıdığını nəzərə çatdırdı. Regionlarda fəaliyyət göstərən tibb müssisələrinin rəhbərləri ilə təhsilini bitirmiş rezidentlərin canlı görüşü onların iş yeri seçiminə müsbət təsir edəcəkdir.
    Respublikanın baş mama-ginekoloqu, Respublika Perinatal Mərkəzinin direktoru Sevinc Məmmədova “Doğuşayardım xidmətinin kadr təminatının təkmilləşdirilməsi” mövzusunda çıxış edərək əldə olan nailiyyətlərdən və qarşıya çıxan problemlərdən danışdı. O ən böyük problem kimi yerlərdə müasir texnologiyaları mənimsəmiş kadrların kifayət qədər olmamasını göstərdi.Ona görə də bu il təhsilini bitirən rezidentlərin regionlara işləməyə getməsi bu problemin müəyyən qədər həll olmasına səbəb olar.
    Sonra şəhər və rayobnlarda həkim-mütəxəssislərə olan ehtiyaclar, tibb xidmətlərinin göstərilməsi üçün yaradılmış şərait və gənc kadrlara göstərilən dəstək haqqında Gəncə 2 nömrəli şəhər xəstəxanasının baş həkimi Qafarova Roza, Göygöl RMX-nın baş həkimi Hamlet Ömərov, Füzuli RMX-nın baş həkimi Natiq Şükürov, Qəbələ RMX-nın baş həkimi Sabir Bayramov, Quba RMX-nın baş həkimi İsmayıl Mirzəyev, Cəlilabad RMX-nın baş həkimi İlham Əliyev, Ucar RMX-nın baş həkimi Zeynal Bayramlı, Ağstafa RMX-nın baş həkimi İlham Mustafayev, Biləsuvar RMX-nın baş həkimi Rövşən Pənayev, Qobustan RMX-nın baş həkimi Emin Hüseynov çıxış etdilər.
    Görüş həkim-mütəxəssislərin suallarının cavablandırılması ilə başa çatdı.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX