“Təhsil haqqında” Azərbaycan Respublikası Qanunun tətbiq edilməsi barədə” Azərbaycan Respublikası Prezidentinin 5 sentyabr 2009-cu il tarixli 156 nömrəli Fərmanını rəhbər tutaraq və “Rezidentura təhsilinin məzmunu və təşkili Qaydaları”nın təsdiq edilməsi haqqında” Azərbaycan Respublikası Nazirlər Kabinetinin 18 mart 2010-cu il tarixli 50 nömrəli Qərarına əsasən rezidentura yüksəkixtisaslı həkim-mütəxəssislərin hazırlığını təmin etmək məqsədi ilə və Dünya Bankının Səhiyyə Sektorunun İslahatlar layihəsi çərçivəsində beynəlxalq expertlərin dünya təhsil sistemində qəbul olunmuş təcrübəyə əsaslanan təkliflərini nəzərə alaraq Azərbaycan Respublikasının Səhiyyə Nazirinin 23 iyul 2010-ci il 57 nömrəli əmrinə əsasən Ə.Əliyev adına Azərbaycan Dövlət Həkimləri Təkmilləşdirmə İnstitutunun nəzdində rezidentura şöbəsi yaradılmışdır.

Arzu Ramiz qızı Hüseynova, 2002-2007- ci illər ərzində Azərbaycan Tibb Universitetinin Tibbi-profilaktitka fakultəsində təhsil almış, 2007-2008-ci illərdə Elmi Tədqiqat Tibbi Profilaktika İnstitutunun “Yoluxucu xəstəliklər” klinikasında həkim-intern vəzifəsində çalışmışdır. 2014-2019-cu illərdə Ə.Əliyev adına ADHTİ-nun “Yoluxucu xəstəliklər” kafedrasının baş laborantı , 2019-cu ildən həmin kafedranın assistenti vəzifəsində çalışır. Hal-hazırda «ÇDD-vərəmin müalicəsi fonunda, xroniki B və C virus hepatitli xəstələrin kliniki, biokimyəvi və immunoloji göstəricilərinin dəyişmə xüsusiyyətləri və onların korreksiyası» mövzusunda tibb üzrə fəlsəfə doktoru elmi dərəcəsi almaq üçün dissertasiya üzərində çalışır.”Asiya-Sakit okean qaraciyərin öyrənilməsi” assosiyasiyasının üzvüdir. 2018-ci ilin avqust ayından Ə.Əliyev adına Azərbaycan Dövlət Həkimləri Təkmilləşdirmə İnstitutunun Rezidentura şöbəsinin müdiri vəzifəsində çalışır.


Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ELEKTRON KURSLAR


Ailə həkiminin praktikasında ürək-damar xəstəlikləri kursları

TƏDRİSİN KEYFİYYƏTİNİN MÜDAVİMLƏR TƏRƏFİNDƏN QİYMƏTLƏNDİRİLMƏSİ

ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX