“Rezidentura təhsili, problemlər, nailiyyətlər və inkişaf prioritetləri” mövzusunda
dəyirmi masa keçirildi

18.05.2016

    18 may 2016-cı il tarixində Ə.Əliyev adına Azərbaycan Dövlət Həkimlərin Təkmilləşdirilməsi İntitutunda Azərbaycan Respublikası Səhiyyə Nazirliyinin nümayəndələri, institutun rəhbərliyi, rezident kuratorlarının və rezidentlərin birgə iştirakı ilə “Rezidentura təhsili, problemlər, nailiyyətlər və inkişaf prioritetləri” mövzusunda dəyirmi masa təşkil olunmuşdur.
    Dəyirmi masada çıxış edən institutun rektoru professor Nazim Qasımov qeyd etdi ki, tibbdə rezidentura təhsil pilləsi Respublikamızda 2011-ci ildən fəaliyyət göstərir. Azərbaycan Respublikası Prezidenti cənab İlham Əliyevin apardığı siyasətin əsasını ölkə vətəndaşının maddi rifah halının yüksəldilməsi,onun sağlamlığı üçün bütün təminatların yaradılması təşkil edir. Aparılan islahatlar və qəbul edilən Dövlət Proqramları son nəticədə sağlamlıq üçün qoyulmuş standartlara çatmaq vəzifəsi daşıyırlar.Onların arasında ali tibb təhsilinin davamı kimi rezidenturanın yaradılmasının xüsusi yeri var. Hazırkı dövrdə elmin bütün sahələrində olduğu kimi tibbdə də sürətli inkişaf gedir. Tibbi biliklər 2-3 il ərzində tam yenilənir. Yeni-yeni çox mürəkkəb müayinə və müalicə üsulları işlənib hazırlanaraq tibbi praktikaya tətbiq olunur. Belə bir şəraitdə ali tibbi kadrların yüksək səviyyədə hazırlanmasını, onların müasir peşə standartlarına yiyələnməsini təmin etmək üçün daha uzun müddətli, xüsusi tərib olunmuş ixtisas proqramları əsasında müasir səviyyədə təchiz olunmuş tibbi bazalarda yüksək ixtisaslı mütəxəssislərin professor və müəllimlərin, praktik həkimlərin rəhbərliyi altında hazırlanmasına böyük təlabat yaranmışdı. Buna görə də Dövlətimiz və Səhiyyə Nazirliyi bu məsələyə böyük önəm verərək rezidentura təhsilinin əsaslarını yaratdı və tibb təhsili sisteminə tətbiq etdi. Rezidenturanın yaranmasının ilk illərində bir sıra həllini gözləyən problemlər və məsələlər meydana çıxdı. Bu illərdə məhz Dövlətimizin və xüsusən Səhiyyə Nazirliyinin böyük diqqəti və qayğısı sayəsində bu məsələlər operativ həll olundu. İstər rəhbərlikdə olan, istərsə də rezidentura təhsili ilə bağlı olan mütəxəssislərin hər biri aydın dərk edirdilər ki, səhiyyəmizin gələcəyi, onun harmonik inkişafı, dünyanın inkişaf etmiş ölkələrinin səhiyyəsi səviyyəsinə qaldırılması, son nəticədə isə əhaliyə göstərilən tibbi xidmətin keyfiyyətinin yüksəldilməsi rezidentura təhsilinin düzgün və optimal təşkilindən çox asılıdır.
    Artıq 5 il arxada qalmışdır. Bu illər ərzində biz bu sahədə bir sıra nailiyyətlər əldə etmişik. Bu illər ərzində institutumuzda 212 nəfər rezident təfsil almış və ya onların 172 nəfəri hal-hazırda təhsilini davam etdirir. Son 3 ildə 40 həkim-rezident təhsilini başa vurmuş və həkim adını qazanmışlar. Rezidentura təhsilini beynəlxalq səviyyəyə yüksəldilməsi məqsədilə SəhiyyəNazirliyinin bilavasitə dəstəyi və maddi yardımı ilə 50 rezidentimiz xarici ölkələrdə-Türkiyə, Almaniya, Belarusiya. Rusiyada rotasiya keçmişdir. 92 rezidentimiz institutun təşkil etdiyi ingilis dili kurslarında iştirak edirlər. 15 rezidentimiz ADHTİ və ATU-nin təşkil etdiyi təbabətin müxtəlif aktual məsələlərinə həsr olunmuş konfranslarda çıxış etmiş, onların 40-dan çox məqalələri nəşr edilmişdir.
    Bugünkü dəyirmi masanın məqsədi rezidentura təhsilində keçdiyimiz yolu təhlil etmək, nailiyyətlərlə yanaşı çatmamazlıqlarrı aşkara çıxarmaq, problemlərinhəlli yollarınıı araşdırmaq, təhsilin təkmiilləşdirilməsi üçün tədbirlər planı işləyib hazırlamaq və yeni inkişaf perspektivlərini və prioritetləri müəyyənləşdirməkdir.
    Dəyirmi masada çıxış edən digər mütəxəssislər Respublikamızda rezidentura təhsinə dair yuxarıda qeyd edilən məsələlərin müxtəlif aspektlərini müzakirə etdilər. Qeyd olundu ki, hazırda rezidentura təhsilinə olan ümüdlər özünü tam doğruldur. Bu gün rezidenturanı bitirib praktik peşə fəaliyyətinə qədəm qoyan həkimlərimizin bilik və baçarıq səviyyələri hamını qane edir. Lakin bu nailiyyətlərlə arxayınlaşmaq olmaz və rezidentura təhsili inkişaf etdirilməli və ən yüksək səviyyəyə çatdırılmalıdır.
    Toplantının sonunda Respublikamızda rezidentura təhsilinin təkmilləşdiriməsi, problemlərin aşkarı, həlli yollarının müəyyən edilməsi və sürətli inkişaf etdirilməsini təmin edəcək vacib qərarlar qəbul olundu.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu