“Tibb və Elm” Ə.Əliyev adına elmi-praktik jurnalının 2-ci sayı çapdan çıxmışdır

19.04.2016

Xəbər verildiyi kimi Ə.Əliyev adına Azərbaycan Dövlət Həkimləri Təkmilləşdirmə İnstitutunda “Tibb və Elm” Ə.Əliyev adına elmi-praktik jurnalı nəşr olunur. Onun əhatə dairəsi geniş həkim auditoriyası və fundamental tibbi-bioloji ixtisas mütəxəssisləri üçün nəzərdə tutulmuşdur. Jurnalın səhiyyədə hakim mövqedə duran milli və xarici mütəxəssislərdən təşkil olunmuş redaksiya heyəti və şurası təqdim olunan elmi işlərin müasir təbabətin elmi araşdirmalara tətbiq etdiyi standartlara uyğun olmasını təmin edir. Burada təqdim olunan rubrikalar, orijinal məqalələr, müasir texnologiyalı şərhlər, mühazirələr, tarixi xronikalar mütəxəssislərdə maraq doğurmuşdur. Jurnal yalnız kliniki və fundamental elmləri deyil, həmçinin tibb qanunvericiliyi və səhiyyə maariflənməsi məsələlərini də işıqlandırır. Bu günlərdə jurnalın 2-ci sayi çapdan çıxmışdır. Jurnalın bu sayında 1 muhazirə, 1 ədəbiyyat icmalı, orijinal məqalələr, praktik həkimə yardım rubrikasında məqalə çap olunmuşdur. Jurnalda Vətən müəllifləri ilə birgə Özbəkistandan da ədəbiyyat icmalı və 2 orijinal məqalə çap edilmişdir.Bu da jurnalın artıq beynəlxalq səviyyədə tanınmasına misaldır. Eyni zamanda jurnalda həmyerlimiz, uzun illər Sankt-Peterburq Dövlət Həkimləri Təkmilləşdirmə İnstitutunda yolxucu xəstəliklər kafedrasının müdiri, Sankt-Peterburq Səhiyyə İdarəsinin baş infeksionisti vəzifəsində çalışmış tibb elmləri doktoru, professor, Rusiya Federasiyası əməkdar elm xadimi Aza Həsən qızı Rəhmanovanın vəfatı ilə əlaqədar nekroloq da çap olunmuşdur.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu