Əməkdaşımız Sankt-Peterburqda keçirilən “Yeni koronavirus infeksiyası və digər yoluxucu xəstəliklərə qarşı mübarizə” üzrə II beynəlxalq elmi-praktik konfransda ölkəmizi təmsil etmişdir

13.12.2021

9-10 dekabr 2021-ci il tarixində Rusiya hökumətinin dəstəyi ilə Sankt-Peterburq şəhərində “Yeni koronavirus infeksiyası və digər yoluxucu xəstəliklərə qarşı mübarizə” üzrə II beynəlxalq elmi-praktik konfrans keçirilmişdir. Konfransda MDB ölkələrindən, Avropa, Asiya, Afrika və Şimali Amerikadan dövlət qurumlarının və elmi təşkilatların 300-ə yaxın nümayəndəsi iştirak etmişdir. Ölkəmizi bu tədbirdə Ə.Əliyev adına Azərbaycan Dövlət Həkimləri Təkmilləşdirmə İnstitutunun pediatriya kafedrasın dosenti Zemfira Quliyeva təmsil etmişdir. Konfrans Rusiya Federasiyasının Baş dövlət sanitar həkimi professor A.Y.Popova tərəfindən açıq elan edildikdən sonra Rusiya Federasiyasının müxtəlif bölgələrindən olan mütəxəssislər, Özbəkistan, Qırğızıstan, Çin, Almaniya, Monqolustan, Qvineya, Seneqal və s. ölkələrdən olan qonaqların çıxışları ilə davam etdi. Çıxışlarda SARS-CoV-2 virusunun molekulyar epidemioligiyası, mikrob və virus assosasiyaları, laborator diaqnostikası, COVİD-19 infeksiyasının etiotrop müalicəsində preparat seçimi və klinik xüsisiyyətləri və s. mövzular əhatə olunmuş idi. Konfransda təşkil olunmuş panellərdə koronavirus infeksiyası barədə ətraflı müzakirələr keçdi. İnstitutumuzun əməkdaşı dosent Z.Quliyeva bu müzakirələrdə aktiv iştirak edərək Azərbaycanda aparılan COVİD-19 pandemiyası ilə mübarizə metodlarından və dövlətin bu mübarizəyə verdiyi böyük dəstəkdən danışmışdır.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX