Tacikistan nümayəndə heyəti ilə Ə.Əliyev adına ADHTİ-da görüş oldu

13.03.2019

13.03.2019-cu il tarixində Azərbaycanda səfərdə olan Tacikistan Dövlət Tibb Universitetinin nümayəndə heyətinin üzvləri ilə Ə.Əliyev adına Azərbaycan Dövlət Həkimləri Təkmilləşdirmə İnstitutunda görüş olubdur. Nümayəndə heyətinə Tacikistanın Səhiyyə və Əhalinin Sosial Müdafiəsi Nazirliyinin, həmçinin İbn-Sina adına Dövlət Tibb Universitetinin təmsilçiləri daxil idilər. Heyət üzvləri 3 gün davam edən səfər zamanı Azərbaycan Səhiyyə Nazirliyində, Azərbaycan Tibb Universitetində də görüşlər keçiriblər. Bu görüşlərdə Azərbaycanın son illərdə tibb sahəsində əldə etdiyi uğurlar, yeni xəstəxana və diaqnostika mərkəzləri, həmin səhiyyə ocaqlarının ən yeni avadanlıqlarla təchiz olunduğu barədə məlumat verilibdir.Qonaqlar Ə.Əliyev adına ADHTİ-nin klinikaları, tədris binası ilə yaxından tanış olub, institutda tədris prosesini izləyiblər.
Görüş zamanı Ə.Əliyev adına ADHTİ-nin rektoru professor Nazim Qasımov Tacikistanın Tibb Universiteti ilə birbaşa əlaqələrin yaradılmasının vacibliyindən danışaraq institutda aparılan islahatlar barədə qonaqlara məlumat verdi.
Ə.Əliyev adına ADHTİ-nin prorektoru dosent Təyyar Eyvazov isə qonaqlara rezidentura sistemi haqqında geniş məlumat verdi və bu təhsilin xüsusiyyətlərindən danışdı.Nümayəndə heyətinin üzvləri gələcəkdə Tacikistan Dövlət Tibb Universitetində rezidentura sisteminin tətbiqini planlaşdırdıqlarını bildirdilər. Görüş zamanı bu sahədə qarşılıqlı əməkdaşlğın perspektviləri müzakirə olundu.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu