"Tireodologiyada yeniliklər" mövzusunda elmi-praktiki konfrans keçirildi

17.02.2020

15 fevral 2020-ci ildə Ə.Əliyev adına Azərbaycan Dövlət Həkimləri Təkmilləşdirmə İnstitutu, Avropa Tireodologiya Assosasiyası, Azərbaycan Respublikası Endokrinologiya, Diabetologiya və Terapevtik Təlimat Assosasiyasının təşkilatçılıgı ilə Bakı şəhərində "Tireodologiyada yeniliklər" mövzusunda elmi-praktiki konfrans keçirilmişdir.
Konfransı Ə.Əliyev adına ADHTİ-nin terapiya kafedrasının müdürü, t.e.d. Valeh Mirzəzadə açdı. Sonra Azərbaycan Respublikası Səhiyyə Nazirliyinin Respublika Endokrinoloji Mərkəzinin direktor müavini Qənnadi Babək-Salek “Azərbaycan Respublikasında tiroid vəzinin xəstəliklərinin probleminə dair” məlumatı təqdim etdi. Daha sonra professor Goerge Kahaly (Almaniya) “Tiroid vəzinin və autoimmun xəstəliklərin qarşılıqlı əlaqəsi” mövzusunda çıxış etdi. Professor Əziz Əliyev (Azərbaycan) “Azərbaycan Respublikasında tiroid xərçəngi probleminin vəziyyəti haqqında” məruzə etdi. Növbəti çıxış terapiya kafedrasının müdürü, t.e.d.,Valeh Mirzəzadə və asistenti Aygün Hüseynovanın “Dünyada və Azərbaycanda tireodologiya tarixi” mövzusunda olmuşdur. Professor Cris Poppe (Belçika) “Tiroid vəzinin və qadın sonsuzluğu” barədə ətraflı məlumat vermişdir. Daha sonra professor Petros Perros (İngiltərə) “Subklinik tiroid disfunksiyası və təsadüfən tiroid nodülləri” mövzusu ilə çıxış etdi. Sonda terapiya kafedrasının assistenti t.ü.f.d. Orucova Səbinə “Hipertireoz sindromu” mövzusunda məruzəsini dinləyicilərin nəzərinə çatdırdı.
Məruzələr ətrafında müzakirələr aparıldı, mühazirəçilərə çoxsaylı suallar verildi.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX