Müsabiqə elan edilir

16.03.2015

Ə.Əliyev adına Azərbaycan Dövlət Həkimləri Təkmilləşdirmə İnstitutunun beynəlxalq əlaqələri get-gedə genişlənir. İnstitut rəhbərliyinin təşəbbüsü ilə bir çox nüfuzlu dünya universitetləri ile qarşılıqlı əlaqə haqqında sazişlər imzalanmışdır. Bu müqavilələrə institut kafedralarında təhsil alan rezidentlərin həmin universitetlərdə rotasiya şəklində təhsil alması da daxildir. Növbəti kurslara daha layiqli namizədlərin seçilməsi üçün Ə.Əliyev adına Azərbaycan Dövlət Həkimləri Təkmilləşdirmə İnstitutu İstanbul Universiteti Cərrahpaşa Tibb Fakultəsi və Rusiya Diplomdansonrakı Təhsil üzrə Tibb Akademiyasında rezidentlərin 1 aylıq rotasiya kursları keçməsi üçün müsabiqə elan edir. Müsabiqədə iştirak etmək istəyən rezidentlər Ə.Əliyev adına Azərbaycan Dövlət Həkimləri Təkmilləşdirmə İnstitutunun əsas binasında rezidentura şöbəsinə müraciət edə bilərlər.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu