Ə.Əliyev adına ADHTİ-nin anesteziologiya və reanimatologiya kafedrasının
08-12 dekabr 2014-cü il tarixində keçirdiyi “Regionar anesteziya üzrə treninq” mövzulu tematik təkmilləşdirmə kursu haqqında məlumat

16.12.2014

08 dekabr 2014-cü il tarixindən başlayaraq Ə.Əliyev adına Azərbaycan Dövlət Həkimləri Təkmilləşdirmə İnstitutunun anesteziologiya və reanimatologiya kafedrasında “Regionar anesteziya üzrə treninq” mövzulu tematik təkmilləşdirmə kursu keçirilmişdir. Kursda ölkənin müxtəlif xəstəxanalarında çalışan həkim anestezioloq-reanimatoloqlar iştirak etmişdir. Kursun əsas məqsədi həkim anestezioloq-reanimatoloqlarda spinal və epidural anesteziya texnikasına aid praktiki vərdişlərin formalaşması üçün treninq çalışmaların keçirilməsi olmuşdur. Bununla bərabər kurs zamanı spinal anesteziya və epidural anesteziyanın inkişaf mexanizmləri və klinikası, anesteziyanın ağırlaşmaları, onların müalicə və profilaktikası kimi aktual məsələlər müzakirə olunmuşdur. Spinal punksiyanın manual vərdişlərin formalaşması üçün spinal punksiya simulyatorundan (Lumbar Punkture Simulator II, Kyoto Kagaku Co., Ltd – Japan), epidural anesteziya texnikasına aid manual vərdişlərin formalaşması üçün epidural anesteziya simulyatorundan (Epidural Aneasthesia Simulator, Kyoto Kagaku Co., Ltd – Japan) istifadə olunmuşdur. 1 həftə (5 iş günü) davam olunan kurs 12 dekabr 2014-cü il tarixində sona çatmışdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu