21.09.2014

Son illərdə Respublikamızda bütün sahələrdə olduğu kimi səhiyyədədə köklü pozitiv dəyişikliklər baş verir. Hazırkı dövrdə ən vacib məsələlərdən biri də əhaliyə göstərilən tibb xidmətinin keyfiyyətini yüksəldərək dünya standartlarına çatdırmaqdır. Belə bir şəraitdə Ə.Əliyev adına Azərbaycan Dövlət Həkimləri Təkmilləşdirmə İnstitutu öz işini müasir tələblərə uyğun qurmağa çalışır. İnstitumuzda aparılan tədrisin keyfiyyətini artırmaq məqsədilə 2009-cu ildə Səhiyyə Nazirliyinin sifarişi əsasında ADHTİ ilə Rusiya Federasiyası Diplomdansonrakı Təhsil Akademiyası arasında təhsil və elmi-pedaqoji kadrların hazırlanması sahəsində müqavilə imzalanmış və bu əməkdaşlıq durmadan genişlənir. Bu müqaviləyə əsasən adı çəkilən tədris müəssisəsinin kafedralarının aparıcı mütəxəssisləri Bakı şəhərinə ezam olunaraq təlabat hiss olunan ixtisas və mövzular üzrə yerli həkimlər üçün təkmilləşmə kursları keçirirlər. Hazırda 700-dən çox müdavim bu kurslarda təhsil almışdır. Aparılan sorğular göstərir ki, beynəlxalq təhsil kifayət qədər effektivdir, yerli mütəxəssislərin böyük marağına səbəb olur. Həkimlərimizi bu kurslarda əldə etdikləri bilik və bacarıqları gündəlik iş praktikasına tətbiq edirlər. Aparılan əməkdaşlığın davamı olaraq Ə.Əliyev adına Azərbaycan Dövlət Həkimləri Təkmilləşdirmə İnstitutunda 2014-2015-ci tədris ilində RDSTA professor-müəllim heyətinin iştirakı ilə aşağdakı kursların keçirilməsi planlaşdırılır:

1. Rusiya Diplomdansonrakı Təhsil Tibb Akademiyasının pediatriya kafedrası tərəfindən 22.09.2014-10.10.2014 tarixlərində pediatriya ixtisası üzrə keçiriləcək tematik təkmilləşmə kursu.

     Kursu aşağıdakı müəllimlər aparacaqlar:
     Professor Zaxarova İ.N., Dosent Qoryaynova A.N., Professor Zaplatnikov A.L. və Dosent Tvoroqova T.

2. Rusiya Diplomdansonrakı Təhsil Tibb Akademiyasının Beynəlxalq səhiyyə kafedrası tərəfindən 08.10.2014 -25.10.2014 tarixlərində səhiyənin təşkili üzrə keçiriləcək tematik təkmilləşmə kursu.

      Kursu aşağıdakı müəllimlər aparacaqlar:
     Professor Alekseyev V.A., Dosent Şurandina İ.S., Dosent Borisov K.N. və Baş müəllim Kasatkina N.S.
Ənənəvi olaraq keçirilməsi nəzərdə tutulan tematik təkmilləşmə kursunun hər birinə 20 yerli həkim-mütəxəssis cəlb olunacaqdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu