Belarus Diplomdansonrakı Təhsil üzrə Tibb Akademiyasının rektoru, professor Mixail Aleksandroviç Gerasimenkonun rəhbərlik etdiyi nümayəndə heyəti Ə.Əliyev adına Azərbaycan Dövlət Həkimləri Təkmilləşdirmə İnstitutunda qonaq oldular. Görüş zamanı Ə.Əliyev adına ADHTİ-nin rektoru professor Nazim Qasımov bildirdi ki,artıq 3 ildir ki,müəssisələrimiz arasında əməkdaşlıq əlaqələri davam edir və bu əlaqələr genişlənmək üzrədir.Beləki, institutumuzun onlarla rezidenti Belarus Diplomdansonrakı Təhsil üzrə Tibb Akademiyasına rotasiya olunaraq təhsil almış və almaqda davam edirlər.İnstitutlarımız arasında diplomdansonrakı təhsil məsələləri üzrə dəyirmi masa formatında telekörpülər keçirilmiş, müştərək elmi araşdırmalar planlaşdırılmışdır. Bu işlərimiz get-gedə genişlənəcəkdir.
Belarus Diplomdansonrakı Təhsil üzrə Tibb Akademiyasının rektoru, professor M.A.Gerasimenko Azərbaycan ilə Belarus arasında olan dostluqdan, təhsil və tibb sahələrində irəliləyişlərdən danışdı. Qonaq ölkəsində tibb təhsili sahəsində əldə olunan uğur və nailiyyətlərdən bəhs edərək bildirdi ki, diplomdan sonrakı təhsillə əlaqədar azərbaycanlı həmkarları ilə perspektivi olan işlər planlaşdırılır. Yaranmış əlaqələri inkişaf etdirmək lazımdır.
Müzakirələr zamanı Belarus və Azərbaycanın tibb təhsili verən ali məktəbləri arasında hər sahədə əməkdaşlığa dair məsələlər haqqında fikir mübadiləsi aparıldı.
Sonra rektorlar Ə.Əliyev adına ADHTİ-nin bir neçə kafedrasında Səhiyyə Nazirliyinin dəstəyi ilə yaradilmış müasir simulyasion mərkəzlərin işləri ilə taniş oldular. Bildirildi ki, bu avadanlıqlar ixtisasartirma keçən həkimlərin müasir diaqnostika və müalicə metodlarına yiyələnməlırinda əvəzsiz xidmət göstərir.