Ə.Əliyev adına ADHTİ-nin Elmi Şurasının iclası keçirildi

31.05.2017

26 may 2017-cı ildə Ə.Əliyev adına Azərbaycan Dövlət Həkimləri Təkmilləşdirmə İnstitutunun Elmi Şurasının növbəti iclası keçirildi. İclasın gündəliyi aşagıdakı kimi olmuşdur:

1. Cərrahiyyə 1 kafedrasının dissertantı Həsənova Sevinc Yusif qızının «Пути улучшения результатов лечения острого панкреатита» mövzusunda, «3213.01 - cərrahlıq» ixtisası, tibb elmləri doktoru alimlik dərəcəsi almaq üçün planlaşdırılmış dissertasiyasının mövzusunun müzakirəsi və təsdiq olunması.
2. İnstitutun 2017-2018-ci tədris ili üçün təqvim planına daxil ediləcək həmməz mövzulu tematik təkmilləşmə kursları barədə müzakirə. Professor-müəllim heyyətinin tədris yükünün nizamlanması barədə.
Məruzəçi prorektor Eyvazov T.H.

3. Stomatologiya və üz-çənə cərrahiyyəsi kafedrasının professoru vəzifəsinə seçkilər.
4. Ailə təbabəti kafedrası üzrə t.e.d. S.Y.Mahmudovaya professor elmi adının verilməsi.
5. Kardiologiya kafedrası üzrə t.e.d. T.Ş.Cahangirova professor elmi adının verilməsi.
6. Müxtəlif məsələlər.

İclasın əvvəlində institutda yaranmış ənənəyə görə rektor professor N.A.Qasımov institutun tibb üzrə alimlik dərəcələri almış əməkdaşlarına müvafiq diplomları təqdim edərək onları təbrik etdi.
I məsələ üzrə cərrahiyyə 1 kafedrasının dissertantı Həsənova Sevinc Yusif qızı çıxış edərək «3213.01 - cərrahlıq» ixtisası, tibb elmləri doktoru alimlik dərəcəsi almaq üçün planlaşdırılmış dissertasiyasının annotasiyasını təqdim etdi. Müzakirədən sonra elmi iş təsdiq olundu.
II məsələ üzrə prorektor Eyvazov T.H. çıxış edərək dedi ki, davamlı tibbi təhsil konsepsiyasına uyğun olaraq həkimlərin peşə fəaliyyətinin qiymətləndirilməsində tətbiq olunacaq yeni sistemin bütün institutda tətbiqindən əvvəl onu bir neçə pilot kafedrada istifadə etmək qərarı verilmişdir. Həmin kafedralar kardiologiya, sinir xəstəlikləri, otorinolarinqologiya və anesteziologiya-reanimatologiya kafedralarıdır. Bu kafedralarda keçiriləcək kursların hər birinin kredit balı olacaq və onlar sonradan sertifikasiya prosesində nəzərə alınacaqlar. Tədris ili ərzində 20 ixtisasartırma kursun keçirilməsi (40 həftə tədris) nəzərdə tutulur. O biri kafedralarda isə tədris ilində hər biri 8 həftə olmaqla (DST proqramının bütün modullarını əhatə edən) 5 ixtisasartırma kursu və bir neçə tematik kurslar planlaşdırılır.
Sonra prorektor Eyvazov T.H. təqvim planının tərtib edilməsi müxanizmindən danışdı və planın detallarını iclas iştirakçılarının nəzərinə çatdırdı.
Elmi şuranın gündəliyinin digər məsələləri seçki və professor elmi adının verilməsi olmuşdur. Onların müzakirəsindən və təsdiqindən sonra institutun cari məsələlərinə baxılmışdır. Bununla da Elmi Şura öz işini başa çatdırmışdır.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX