Azərbaycan stomatologiyasının beynəlxalq uğuru

11.04.2017

    Azərbaycan Parodontologiya Cəmiyyəti (www.perio.az) Avropa Parodontologiya Federasiyasının (www.efp.org) İspaniyanın Santiago De Compostela şəhərində keçirilən Baş Assambleyasının ümümi yığıncağında 30-cu üzvü seçildi.
    Bu tədbirdə ölkəmizi Azərbaycan Parodontologıya Cəmiyyətinin prezidenti, Ə.Əliyev adına Azərbaycan Həkimləri Təkmilləşdirmə institutunun stomatologiya və üz-çənə cərrahiyyəsi kafedrasının assistenti, tibb üzrə fəlsəfə doktoru Cavid Əhmədbəyli təmsil edirdi. Həmin yığıncaqda Avropa Parodontologiya Federasiyasının idarə heyəti üzvlərinə və təşkilata üzv olan 29 ölkənin milli parodontologiya cəmiyyətlərinin təmsilcilərinə Azərbaycan Parodontologiya Cəmiyyətinin son illərdəki fəaliyyəti, ölkəmizdə parodontologiya sahəsindəki təhsilin, müalicə-profilaktik xidmətin təşkili və aparılan elmi tədqiqatlar haqqında geniş məlumat verildikdən sonra Azərbaycan Parodontologıya Cəmiyyəti Avropa Parodontologiya Federasiyasının üzvlüyünə yekdilliklə qəbul olundu.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.



FƏXRLƏRİMİZ









FAYDALI LİNKLƏR





ELEKTRON KITABLAR




Copyright © 2017, Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu





Saytın hazırlanması: Proqres IPX