22.04.2014

Bu konqres 17 aprel Dünya Hemofiliya gününə həsr olunmuşdur. Konqresin baş təşkilatçısı və sədri Prof.Dr. Bülənt Zülfikar qeyd etdi ki, əksəriyyəti hematoloqlar və 20% hemofiliyalı xəstələr olmaqla 140 başçı və çıxışçı konqresdə iştirak edirlər (Fransa, Amerika, Almaniya, İtaliya, Azərbaycan və s). Azərbaycan Hemofiliya Mərkəzinin rəhbəri Elmira Qədimova ilk çıxış edənlərin sırasında konqres iştirakçılarını salamlayaraq, onu bu konqresə dəvət etdikləri üçün minnətdarlığını bildirərək "Azərbaycanda Dövlət Hemofiliya Proqramının Həyata Keçirilməsi" mövzusunda çıxışını təqdim etdi. O, Hemofiliya Mərkəzində 1519 xəstənin qeydiyyatda olduğunu, ölkə rəhbərliyi və Səhiyyə Nazirliyi hemofiliyalı xəstələrin problemlərinin həll edilməsi üçün ardıcıl tədbirlər həyata keçirilməsini qeyd etdi. Konqresin 2-ci günü saat 11:30-dan 13:15-ə qədər Elmira xanım sədr təyin edildi. Bu konqresin möhtəşəmliyi, fərqli cəhəti ondan ibarət idi ki, Türkiyənin dörd bir tərəfindən gələn 362 xəstə və qohumları iştirak edirdilər. Türkiyə Hemofiliya Dərnəyinin başçısı Prof.Dr. Bülənt Zülfikar öz açılış nitqində qeyd etdi ki, hemofiliya xəstəliyi çox erkən yaşlardan özünü büruzə verir və xəstənin həyatına sosial şərtlərinə mümkünsüz çətinliklər gətirir. Valideynlər, cəmiyyət, sosial və s. qurumlar onlara diqqət yetirməlidirlər.

Əziz həmkarlar və səhiyyə ictimaiyyətinin nümayəndələri!

Sizi Əziz Əliyev adına Azərbaycan Dövlət Həkimləri Təkmilləşdirmə İnstitutunun rəsmi internet səhifəsində salamlayıram!

İnstitutumuz 1935-ci ildən fəaliyyət göstərən, Azərbaycan səhiyyəsində ixtisaslı tibbi kadrların fasiləsiz inkişafını təmin edən qabaqcıl elmi-tədris mərkəzidir. Burada on minlərlə həkim peşəkar biliklərini müasir tələblər səviyyəsində təkmilləşdirmiş, ölkəmizin bütün regionlarında və xaricdə nüfuzlu mütəxəssislər kimi tanınmışdır.
İnstitutun tarixində mühüm rol oynamış görkəmli şəxsiyyətlər arasında onun ilk rəhbərləri – peşəkar təşkilatçılar və elm fədailəri, xüsusilə də institutun uzun illər rektoru olmuş professor Əziz Əliyev xüsusi ehtiramla anılır. Onun maarifçi fəaliyyəti və milli səhiyyənin inkişafında göstərdiyi xidmətlər bu gün də dəyərini itirmir və institutumuzun adında əbədiləşdirilib.

Davamını oxu