Azərbaycan Respublikası Səhiyyə Nazirliyi Əziz Əliyev adına Azərbaycan Dövlət Həkimləri Təkmilləşdirmə İnstitutunda (ADHTİ) Türkiyə Respublikasının Ufuk Universitetinin (Ankara) Yol Qəzalarına Yardım Fondunun prezidenti, eyni zamanda sözügedən universitetin qurucusu və professoru Recai Pabuççu ilə görüş keçirilib.
Görüşdə Azərbaycan Respublikası Səhiyyə Nazirinin müavini, Ə.Əliyev adına ADHTİ-nin Travmatologiya və Ortopediya kafedrasının müdiri, t.e.d., professor İlqar Qasımov, institutun rektoru professor Nazim Pənahov iştirak ediblər.
Görüş zamanı Azərbaycan-Türkiyə arasında olan geniş əlaqələr çərçivəsində ali tibb təhsili müəssisələri arasında səhiyyədə əməkdaşlıq imkanları, elmi-tədqiqat, kadr hazırlığı istiqamətlərində və rezidentlər üçün təcrübə mübadiləsi, yol-nəqliyyat hadisələri nəticəsində xəsarət alan şəxslərə göstərilən tibbi xidmətlərinin təkmilləşdirilməsi, reproduktiv tibb sahəsində aparıla biləcək elmi tədqiqat işlərinin həyata keçirilməsi imkanları məsələləri müzakirə olundu.
Eyni zamanda professor Recai Pabuççu tərəfindən ginekologiya sahəsində müasir elmi yanaşmalar və aktual mövzular diqqətə çatdırılıb. Görüşdə qarşılıqlı maraq doğuran sahələr üzrə əməkdaşlığın davam etdirilməsinin vacibliyi vurğulandı.