2025-ci ilin noyabrın 20-də Azərbaycan səhiyyəsinin tarixində mühüm rol oynamış qocaman tibb müəssisələrindən biri olan Əziz Əliyev adına Azərbaycan Dövlət Həkimləri Təkmilləşdirmə İnstitutunun 90 yaşı tamam olur. Bu dövr ərzində institut şanlı tarixi bir yol keçmişdir.Mövcud olduğu illər ərzində institut təkcə Azərbaycanda deyil, bütün regionda tanınmış ali təhsil ocağı kimi tanınmışdır. Respublikamızın səhiyyəsinin inkişafında institutun rolu danılmazdır. Beləki, Azərbaycanın, demək olar ki, bütün həkim və provizorları, bir çox xarici ölkə vətəndaşları institutda ixtisaslaşma və ya ixtisasartirma kursları keçmiş və öz peşə karyeralarını qurmuşlar. İnstitutda aparılmış eimi-tədqiqat işləri tibb dünyasında yenilik kimi tanınmış, təbabət tarixinə şanlı səhifələr kimi daxil olmuşdur. İnstitut əməkdaşlarinin şəfa verdiyi on minlərlə xəstələr ölkəmizin və xalqımızın rifahı üçün çalışmış və indi də çalışırlar.
Bu günlərdə Ə.Əliyev adına Azərbaycan Dövlət Həkimləri Təkmilləşdirmə İnstitutunun yaranmasının 90-cı ildönümünə həsr olunmuş beynəlxalq elmi-praktiki konfrans keçirilir.Həmin konfransda iştirak etmək üçün Türkiyə, Almaniya, İngiltərə, Çexiya, Danimarka, Rusiya və Özbəkistandan tanınmış elm və səhiyyə mütəxəssiləri iştirak edirlər.
Bu gün institut rəhbərliyi və yubiley tədbirlərində iştirak edən qonaqlar Fəxri xiyabana getmiş və Ümummilli lider Heydər Əliyevin, görkəmli oftalmoloq akademik Zərifə xanım Əliyevanın, dövlət xadimi Əziz Əliyevin və professor Tamerlan Əliyevin məzarlarını ziyarət etmiş, üzərinə əklil və gül qoymuşlar. Əziz Əliyev adına ADHTİ-nin uzun illər rektoru olmuş akademik Mirməmməd Cavadzadənin də məzarı ziyarət edildi. Eyni vaxtda nümayəndə heyəti vətən uğrunda canlarını fəda vermiş səhidlərimizin əziz xatirəsini yad etmək üçün Şəhidlər Xiyabanını ziyarət etmiş, məzarları üzərinə güllər düzüb, “Şəhidlər” abidəsinin önünə əklil və gül qoymuşlar. Vətən müharibəsində qazanılan böyük qələbəni simvolizə edən 8 Noyabr Zəfər memorial abidəsi də ziyarət edidi, abidə önünə əklil və gül qoyuldu.