Özbəkistan Respublikasının paytaxtı Daşkənd şəhərində Şərqi Avropa və Mərkəzi Asiya (ŞAMA) ölkələrində lepra xəstəliyinin ləğvinə dair səylərin gücləndirilməsi üzrə ÜST tərəfindən təşkil olunmuş subregional işçi müşavirə keçirildi.Ümumdünya Səhiyyə Təşkilatı (ÜST) tərəfindən təşkil olunmuş bumüşavirə Şərqi Avropa və Mərkəzi Asiya ölkələrinin lepta (cüzam) xəstəliyinin tam ləğvinə dair səylərini gücləndirmək məqsədi daşıyırdı. Görüşün əsasməqsədi əldə olunmuş nəticələri möhkəmləndirmək vəregion ölkələrinə texniki dəstək göstərmək idi. Tədbirçərçivəsində ÜST-nin qlobal və regional strategiyaları, monitorinq və qiymətləndirmə alətləri təqdim olunmuş, həmçinin dayanıqlı epidemioloji nəzarət mexanizmlərimüzakirə edildi.
Görüşdə Azərbaycan, Qazaxıstan, Qırğızıstan, Rusiya Federasiyası, Tacikistan, Türkmənistan və Özbəkistan nümayəndə heyətləri iştirak ediblər.ÜST-nin “Cüzamla Mübarizə üzrə Qlobal Proqramı” qrupunun rəhbəri doktor Vivek Lal tərəfindən dünyada cüzamla bağlı mövcud vəziyyət barədə yenilənmiş məlumatlar və “2021–2030-cu illər üzrə Cüzamla Mübarizəyə dair Qlobal Strategiya” təqdim edildi.Həmçinin, görüşdə iştirak edən bütün ölkələrin nümayəndələrinin öz ölkələrində cüzamla mübarizənin vəziyyətinə dair məruzələri dinlənildi.
Azərbaycan Respublikasını tədbirdə Ə.Əliyev adına Azərbaycan Dövlət Həkimləri Təkmilləşdirmə İnstitutunun dermatovenerologiya kafedrasının professoru Mir-Riad Cavad-zadə  və həmin kafedranın assistenti Mədinə İsmayılova təmsil etdilər.Azərbaycan nümayəndələrinin təqdimatında ictimai səhiyyənin səviyyəsi, bu sahədəki prioritetlər, yoluxucu xəstəliklər üzərində epidemioloji nəzarət və təbabətdəki innovativ nailiyyətlər nümayiş etdirildi.Təqdimat müşavirə iştirakçılarının marağına səbəb oldu və onun nəticələri qəbul olunmuş qərarda nəzərə alındı.