“Hemofiliyanın müasir müalicə üsulları” mövzusunda vebinar keçirilmişdir

14.05.2022

13.05.22-ci il tarixində Ə.Əliyev adına Azərbaycan Dövlət Həkimləri Təkmilləşdirmə İnstitutunun hematologiya kafedrasının moderatorluğu ilə Qazaxıstan, Özbəkistan, Belarusdan olan mütəxəssislərin iştirakı ilə “Hemofiliyanın müasir müalicə üsulları” mövzusunda vebinar keçirilmişdir.
Vebinarda hematologiya kafedrasının müdiri dosent Elmira Qədimova, assistent Günel Əlizadə məruzələrlə çıxış etmişlər, Xarici ölkələrdən onlayn formatda vebinara qoşulmuş hemofiliya üzrə aparıcı mütəxəssislər ilə interaktiv fikir mübadiləsi aparılmışdır. Hemofiliya xəstəliyinin müalicəsində istifadə olunan son nəsil dərialtı preparatların (Hemlibra) işlədilməsində təcrübəsi olan əməkdaşlar öz nəticələrini vebinar iştirakçılarına təqdim etdilər. Preparatın istifadə qaydaları, göstəriş, əks göstərişləri haqqında geniş müzakirələr aparıldı. Vebinarda Akademik M.Mirqasımov adına RKX və Elmi-praktik Hemofiliya Mərkəzinin əməkdaşları da iştirak etdilər.
Azərbaycanda ilk dəfə Elmi-praktik Hemofiliya Mərkəzində istifadəsi nəzərdə tutulan dərialti preparatların tətbiqindən öncə bu vebinarın keçirilməsi olduqca əhəmiyyətli və informativ oldu.



Hörmətli dostlar!
Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu



ONLAYN JURNAL


"Tibb və Elm"
Əziz Əliyev adına elmi-praktiki jurnal.

Tibb sahəsinin bütün bölmələri üzrə orijinal məqalələr qəbul edilir.





Copyright © , Azərbaycan Respublikası Səhiyyə Nazirliyi
Əziz Əliyev adına Azərbaycan Dövlət Həkimləri Təkmilləşdirmə İnstitutu



Saytın hazırlanması: Proqres IPX