Qastroenterologiya kursunda müdavimlər müasir müayinə metodları ilə tanış olurlar

30.12.2021

Ə.Əliyev adına Azərbaycan Dövlət Həkimləri Təkmilləşdirmə İnstitutunun terapiya kafedrasında keçirilən Qastroenterologiya (modul 3-4) ixtisasartırma kursunda Milli Onkologiya Mərkəzinin İnvaziv Diaqnostika və Müalicə şöbəsindən dəvət olunmuş doktor Günay Əsədova “Seliakiya (Qlüten enteropatiyası) xəstəliyinə müasir yanaşma, diaqnostikası, müalicəsi” mövzusunda mühazirə ilə çıxış etmiş, praktikadan bir neçə klinik hal təqdim etmişdir. Eyni zamanda həmin kursda Bona Dea İnternational Hospitaldan dəvət olunmuş qastroenteroloq Ruslan Məmmədov da “Pankreas xəstəliklərində endoskopik ultrasonoqrafiya (EUS) müayinəsinin üstünlükləri, EUS müayinəsi zamanı pankreas törəmələrinin diaqnostikası və incə iynə aspirasiyası (İİA) ilə biopsiyaların götürülməsi” mövzusunda, Bakı Patalogiya Mərkəzindən dəvət olunmuş patohistoloq Camal Musayev “Pankreas xərçənglərinin diferensasiyası, morfoloji görüntüləri, pakreas biopsiyalarının dəyərləndirilməsi, iltihabi bağırsaq xəstəliklərinin morfoloji diferensasiyası, bağırsaq poliplərinin morfoloji dəyərləndirilməsi” mövzusunda mühazirələr ilə çıxış etmişlər. Bunlarla yanaşı Olympus şikətinin Azərbaycan nümayəndəsi doktor Eldar Bayramlının “Endoskopik müayinələrdə istifadə olunan elektrik enerjisinin əsas prinsipləri” mövzusunda treninqi də keçirilmişdir. Treninq zamanı həkimlər Olympus şirkətinin müasir koaqulyasiya cihazı və onun üstünlükləriylə yaxından tanış olmuşlar. Koaqulyasiya cihazının praktikada tətbiq edilməsi də baş tutmuşdur. Çıxışlar və treninq həkimlər tərəfindən böyük maraqla qarşılanmışdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu