Əməkdaşımız seminarda çıxış etmişdir

12.12.2021

Bakı Sağlamlıq Mərkəzində “Vərəm xəstəliyinin əhali arasında geniş yayılmasının qarşısının alınması, xəstəliyin erkən aşkarlanması və xəstələrin müayinəyə cəlb olunması” mövzusunda seminar keçirilmişdir. Həmin seminarda Bakı şəhərinin 83 tibb müəssisəsinin əməkdaşları iştirak etmişlər. Tədbirdə Respublikanın baş ftiziatrı, Ə.Əliyev adına Azərbaycan Dövlət Həkimləri Təkmilləşdirmə İnstutunun ftiziatriya kafedrasının porfessoru Yavər Şıxəliyev “Vərəm xəstəliyinin erkən aşkarlanması metodlarının müasir aspektləri” mövzusunda çıxış etmişdir. Çıxışda vərəmin aktiv və passiv aşkarlanma metodları, uşaq və yeniyetmələr arasında immunodiaqnostikanın rolu haqqında məlumat verilmiş, kliniki müşahidələrin illustrasiyaları slaydlarla təqdim olunmuşdur.Eyni zamanda passiv aşkarlanmada sürrətləndirilmiş molekulyar genetik metod “GeneXpert MBT RİF”-lə yanaşı sadə mikroskopiya metodlarının da epidemioloji rolu izah edilmişdir. Aktiv aşkarlanmada isə müasir rəqəmsal mobil flüoroqraf aparatlarının effektli işləməsi üçün risk qruplarının seçilmə taktikası və onların müayinəyə cəlb olunması məsələləri araşdırılmışdır. İlkin xəstələrin dispanser qeydiyyatı, effektli müalicənin əsas şərtləri haqqında da məlumat verilmişdir.Sonda yaranmış suallar cavablandırılmışdır.

Hörmətli dostlar!

Azərbaycanın və keçmiş Sovet məkanının qocaman ali tibb təhsil müəssisələrindən biri olan institutun saytına xoş gəlmisiniz.

Bizim institut 80 ildir ki, milli səhiyyənin, ümumilikdə ali tibb təhsilinin inkişafını, həkimlərin ixtisaslaşma və təkmilləşdirməsini müvəffəqiyyətlə təmin edir. İnstitut həkimlərin tibb təhsilində biliklərinin yüksəlməsi, fundamental təbabətin yeni nailiyyətlərinə yiyələnməsi, kliniki təcrübəyə diaqnostikanın müasir üsullarını tətbiq etməsinə nail olmağı öz üzərinə vəzifə kimi götürür. Bunlar da XXI əsrdə inkişaf edən təbabət elminin ayrılmaz atributları sayılır. İnstitutun ilk rektorları professor V.A. Tarnoqradski, M.M. Əfəndiyev və B.A. Ağayev olmuşdur. İnstitutun dirçəlməsində akademik Əziz Əliyevin böyük rolu olmuşdur. Kollektivin vəsadəti ilə Nazirlər Kabinetinin qərarı əsasında 1962-ci ildən institut onun adını daşıyır. Bu müddətdə M. Məmmədov, M.X. Yaqubov, S.M. Qusman, İ.İ. Lukov, S.Q. Şteyn, N.M. İsrafilova, P.P. Popov, S.İ.Vəlixan və s. kimi Azərbaycan təbabətinin istedadlı, yüksək ixtisaslı həkim kollektivi formalaşmışdır.

Davamını oxu